ब्रह्माकुमारी राजयोग सेवा केन्द्र धनकुटाद्वारा धनकुटा हेल्थ साईन्स क्याम्पसका संस्थापक निर्देशक रामालाई सम्मान
धनकुटा । ब्रह्माकुमारी राजयोग सेवा केन्द्र धनकुटाले धनकुटा हेल्थ साईन्स क्याम्पसका संस्थापक निर्देशक राम नारायण प्रसाद रामालाई सम्मान गरेको छ ।
विश्व वातवरण दिवसको अवसरमा वुधवार आयोजित कार्यक्रममा उहाँलाई केन्द्रले सम्मान गरेको हो । सोही अवसरमा ,विरुवा वितरण र प्रवचन सुनाईएको थियो ।
कार्यक्रममा संविधान सभा सदस्य लिला सब्बा,धनकुटा नगरपालिका उपमेयर हिमा देवी खनाल,नेकपा एमाले धनकुटाका अध्यक्ष शिव आग्ला,नेपाली कांग्रेस धनकुटाका जिल्ला सचिव विजय सन्तोषी राई,जिल्ला बन कार्यालय धनकुटाका पदम खड्का,धनकुटा उद्योग बाणिज्य संघका वरिष्ट उपाध्यक्ष मन कुमारी तुतिङ लगायतले विश्व वातारण दिवसको महत्वको वारेमा स्पष्ट पारेका थिए ।
केन्द्रका प्रमुख निर्मला वहिनको अध्यक्षतामा भएकोे कार्यक्रमको संचालन सावित्रि चुकेले गर्नु भएको थियो । कार्यक्रममा विभिन्न जातका फुल लगायतका विरुवाहरु ब्रह्माकुमारी राजयोग सेवा केन्द्र धनकुटाका प्रमुख वहिन लगायत सदस्यहरुले वितरण गरेका थिए ।
