धनकुटामा गाँजा सहित लागुऔषध नष्ट
धनकुटा,२४ जेठ । धनकुटामा गाँजा सहित लागुऔषध नष्ट गरिएको छ ।
धनकुटामा विभिन्न मितिमा बरामद गरिएको गाँजा ९९९ केजी १०८ ग्राम, ट्रामोल लेखिएको ट्रामाडोल ८९१ क्याप्सुल तथा डाइक्लोमाइन हाइड्रोक्लोराइड औषधि ८९१ ट्याब्लेटलाई आज धनकुटा नगरपालिकाको ९ मुलघाट स्थित तमोर नदीको किनारमा नष्ट गरिएको जिल्ला प्रहरी कार्यालय धनकुटाले जनाएको छ ।
धनकुटा जिल्ला अदालत तथा जिल्ला प्रशासन कार्यालयका प्रतिनिधि, सञ्चारकर्मी र स्थानीय नागरिकको रोहवरमा अपराध अनुसन्धान शाखाले नष्ट गरेको हो ।
बरामद भएका लागुऔषधबाट प्रयोगशालामा परीक्षण गर्न पठाउनको लागि कानूनले तोकेको निश्चित मात्रा छुट्याई बाँकी लागुऔषधलाई अदालतको अनुमति लिइ नष्ट गर्नुपर्ने प्रावधन रहेको छ ।
