झापाको केर्खामा सवारी दुर्घटना, प्रहरी सहायक निरीक्षकको मृत्यु
झापा । झापाको कमल गाउँपालिका– ३ पूर्वपश्चिम लोकमार्ग खण्डमा सवारी दुर्घटना हुँदा सशस्त्र प्रहरीका सहायक निरीक्षकको मृ,त्यु भएको छ ।
पूर्वतर्फ जाँदै गरेको प्र।१– ०२–००५२ प ७०२९ नम्बरको मोटरसाइकल आफै अनियन्त्रित भई दुर्घटना हुँदा मोटरसाइकल चालक मोरङ कानेपोखरी गाउँपालिका– ४ का पुरनलाल राजवंशीको मृ,त्यु भएको हो ।
४८ वर्षीय राजवंशी सशस्त्र प्रहरी बलको प्रहरी सहायक निरीक्षक हुन् ।उनी इलामको बिओपी समालबुङ पोष्टमा कार्यरत थिए । दुर्घटनामा गम्भीर घाइते उनलाई उपचारका लागि बीएण्डसी अस्पताल बिर्तामोड पठाएको थियो ।
उपचारका क्रममा उनको मृत्यु भएको हो ।तीव्रगतिमा सवारी कुदाएका कारण दुर्घटना भएको प्रहरीको प्रारम्भिक निस्कर्ष छ ।
