चौविसेको ४ पत्रकारलाई लेखनबृत्ति
सैलेन्द्र तामाङ/जेठ ३०,चौविसे । धनकुटाको चौविसे गाउँपालिकाले आफ्ना पालिकाका ४ जना प्रशिक्षार्थी पत्रकारहरुलाई लेखनबृती(फेलोसिप) रकम बितरण गरिएको छ ।
पालिकाको जेठ २९ गते संसदिय दलको भेलाको अबसरमा उनिहरुलाई नगद सहित प्रमाण पत्र प्रदान गरेको हो ।
तीन महिने समाचार लेखन पूरा गर्नु भएका प्रशिक्षार्थी पत्राकारहरु बिनोद भन्डारी, देवबहादुर याखा,शैलेन्द्र तामाङ र पबित्रा मगरलाई जनहि नगद छ हजार र प्रमाणपत्र प्रदान गरिएको छ ।
उहाँहरुलाई पालिकाका अध्यक्ष राजकुमार लिम्बू,उपाध्यक्ष टंकमायां पाङ्मी मगर,निमित्त प्रमुख प्रशासकीय अधिकृत सोभित कुमार तुम्बा,चौविसे गाउँ कमिटी अध्यक्ष जीवन कटुवाले नगद तथा प्रमाणपत्र प्रदान गर्नु भएको थियो ।
कार्यक्रममा नेपाल पत्रकार महासंघ धनकुटाका कोषाध्यक्ष नारायण कुमार राईले पत्राकार आचारसंहितामा रहेर आगामी दिनमा समाचार लेख्न सुझाब दिनुभयो ।
आचारसंहितामा रहेर समाचार लेख्ने पत्रकारको हकहितका लागि महासंघले संधै पेसागत सुरक्षामा सहयोग गर्ने राईले जानकारी दिनुभयो ।
पालिका अध्यक्ष राजकुमार लिम्बुले नया पत्रकारहरुलाई समाचार लेखनलाई निरन्तरता दिन आग्रह गर्नु भयो ।
उहांले पालिकाको शुसासन समृद्धिको भुमिका खेल्दै पालिकाले गरेको बिकास निर्माणको कामहरूको प्रचार प्रसारमा सहयोग गर्न आग्रह गर्नुभयो ।
उहाँले चौबिसेको पत्राकारिता तथा संचार कार्यक्रमलाई आगामी दिनमा निरन्तरता दिदै जाने पनि बताउनु भयो ।
गाउँ पालिकाको सहयोग तथा अनलाईन मिडिया एजेन्सी धनकुटाको आयोजनामा गएको फागुन देखि जेठ १५ सम्म फेलोसिप कार्यक्रम अन्तर्गत समाचार लेखन कार्यक्रम संचालन गरिएको थियो ।
चौबिसेका १६ सहभागीबाट छ्नौट गरिएका प्रशिक्षार्थी पत्रकारहरुले पालिका खबर र धनकुटा खबरमा समाचार लेखेका थिए ।
