युवतीको अश्लील भिडियो बनाएर आफन्तलाई पठाएर चरित्र हत्याको प्रयास गर्ने भोजपुरका दुई युवक पक्राउ
संखुवासभा । युवतीको अश्लील भिडियो बनाएर आफन्तलाई पठाएर चरित्र हत्याको प्रयास गर्ने दुई युवक पक्राउ परेका छन् ।
संखुवासभा प्रहरीले अश्लील भिडियो बनाएर धम्की दिएको आरोपमा दुई युवकलाई पक्राउ गरेको छ। पक्राउ पर्नेमा भोजपुरको षडानन्द नगरपालिका–१ का सुजन भुजेल (२९) र विपल राई (२२) छन्।
एक युवतीको उजुरीपछि प्रहरीले अनुसन्धान गर्दा उनीहरूले भिडियो बनाएर आफन्तलाई पठाएको र सार्वजनिक गर्ने धम्की दिएको खुलेको हो।
प्रमाण भेटिएपछि उनीहरूलाई पक्राउ गरी म्याद थप गरेर थप अनुसन्धान भइरहेको प्रहरीले जनाएको छ।-नीलोपाटी
