बिर्तामोडबाट इलामतर्फ जाँदै गरेको पिकअप भ्यान दुर्घटना हुंदा एक जनाको मृत्यु,दुई घाइते
झापा । झापाको बिर्तामोडबाट इलामतर्फ जाँदै गरेको पिकअप भ्यान दुर्घटना हुदा एक जनाको मृत्यु भएको छ भने दुई जना घाइते भएका छन्।
गाडी सडकबाट खस्दा भएको उक्त दुर्घटनामा ज्यान गुमाउने व्यक्ति गाडीका मालिक विष्णु पराजुली रहेको पुष्टि भएको छ।
अर्जुनधारा नगरपालिका अन्तर्गत खुदुनाबारीका स्थायी बासिन्दा पराजुली इलामको देउमाई–९, नवमी बजारमा व्यवसाय सञ्चालन गर्दै आएका थिए।
