धनकुटामा ट्राफिक सप्ताह २०८२ उद्घाटन तथा लागुऔषध दुर्व्यसन विरुद्ध सचेतना कार्यक्रम
धनकुटा,६ असार । धनकुटामा ट्राफिक सप्ताह २०८२ उद्घाटन तथा लागु औषध दुर्व्यसन विरुद्ध सचेतना कार्यक्रम सम्पन्न भएको छ ।
जिल्ला प्रहरी कार्यालय धनकुटा र जिल्ला ट्राफिक प्रहरी कार्यालय धनकुटाको संयुक्त आयोजनामा उक्त कार्यक्रमको आयोजना गरिएको हो ।
कार्यक्रम प्रमुख जिल्ला अधिकारी टुवराज पोख्रेलको प्रमुख आतिथ्यतामा सम्पन्न गरिएको जिल्ला प्रहरी कार्यालय धनकुटाले जनाएको छ ।
कार्यक्रममा नेपाली सेनाका भिमदल गण सल्लेरी ब्यरेकका गणपती प्रमुख सेनानी गणेश थापा ,जिल्ला प्रहरी कार्यालय धनकुटाका कार्यालय प्रमुख प्रहरी उपरीक्षक शरत कुमार थापा क्षेत्री , धनकुटा नगरपालिकाका प्रमुख प्रशासकिय अधिकृत दशरथ राई, सशस्त्र प्रहरी बल ६ नम्बर हेड क्वाटर छिन्ताङ गुल्मका गुल्मपती सशस्त्र प्रहरी नायब उपरीक्षक मदन नाथ, राष्ट्रिय अनुसन्धान धनकुटाका प्रमुख अनुसन्धान अधिकृत रामेश्वर वस्नेतको उपस्थिति रहेको थियो ।
त्यसैगरि बिभिन्न सरकारी तथा गैर-सरकारी संघ संस्थाका प्रमुख तथा प्रतिनिधिहरु, बैंक तथा बित्तिय संघ संस्थाका प्रमुख तथा प्रतिनिधिहरु, टेलिभिजन तथा मिडिया हाउसका प्रमुख तथा प्रतिनिधिहरु, पुर्व प्रहरी कर्मचारीहरु, नागरिक समाज, एकल महिला समुह, निर्माण व्यवसायी संघ, होटल व्यवसायी संघ, महिला समाजसेवी, धनकुटा स्थित सम्पुर्ण क्लबका पदाधिकारीहरु, बिभिन्न विद्यालयका शिक्षक, शिक्षिका,विद्यार्थीहरु, नेपाल प्रहरी, नेपाली सेना, सशस्त्र प्रहरी , स्थानिय बुद्धिजिबीहरुको सहभागिता रहेको थियो ।
