धनकुटाबाट लागुऔषध ब्राउनसुगर सहित दुई जना पक्राउ
धनकुटा,१० असार ।धनकुटाबाट लागुऔषध ब्राउनसुगर सहित दुई जना पक्राउ परेका छन्।
पक्राउ पर्नेमा जिल्लाको चौबिसे गाउंपालिका ७ मौनाबुधुक बस्ने ३० बर्षिया भुपेन लिम्बू र चौबिसे गापा ६ राजारानी बस्ने २५ बर्षिया हेमबहादुर वि.क. रहेका छन् ।
हिजो राती करिब ९:३० बजे इलाका प्रहरी कार्यालय, राजारानीबाट खटिएको चेकिङ टोलीले जाँच गर्ने क्रममा धरानबाट राजारानी तर्फ आउँदै गरेको को ३९ प ३०३ नम्बरको पल्सर मोटरसाइकलमा सवार चालक लिम्बु र पछाडि सवार वि.क.को शरीर खानतलासी गर्दा निज विकको साथबाट सेतो प्लाष्टिकमा पोका पारेको ब्राउनसुगर जस्तो देखिने खैरो लिसाइलो पदार्थ स-सानो १० पोका ३५० मिलिग्राम लागुऔषध फेला परेपछि दुबै जनालाई मोटरसाइकल सहित नियन्त्रणमा लिइएको जिल्ला प्रहरी कार्यालय धनकुटाका प्रवक्ता डीएसपी ओमप्रकाश खनालले जानकारी दिए ।
पक्राउ परेकाको थप अनुसन्धान भइरहेको प्रहरीले जनाएको छ ।
