धनकुटाबाट जबर्जस्ती करणी उद्योग कसुरमा एक नाबालक सहित दुई जना पक्राउ
धनकुटा । धनकुटाबाट जबर्जस्ती करणी उद्योग कसुरमा दुई जना पक्राउ परेका छन् ।
पक्राउ पर्नेमा सुनसरीको इनरुवा नगरपालिका वडा नं. ६ मधेसा घर भई हाल धनकुटामा मोटरसाइकल ग्यारेजमा मिस्त्री काम गर्ने २३ वर्षीय ऋतिक भन्ने विजयकुमार कामत र १ जना १४ वर्षीय नाबालक रहेका छन् ।
गत असार ३ गते धनकुटाकी १९ बर्षिया युवती रातको करिब १०:३० बजे आफ्नै घरको कोठाभित्र एक्लै निदाइरहेको अवस्थामा शरीरमा कसैले थिचेजस्तो असहज महसुस भई एक्कासी ब्युँझदा आफ्नै कपालको लट्ठा मुखभित्र कोचिदिई मुख र नाकमा साइकलको ट्युबले बाँधिदिएको र हेर्दा कालो मास्कले अनुहार ढाकेका अपरिचित दुई जना व्यक्तिहरूमध्ये एक जनाले घाँटी थिचिरहेको र अर्को एकजनाले पेटमा थिचिरहेको तथा आफूले लगाएको भेष्ट समेत च्यातिदिएको थाहा पाई लात हानी प्रतिकार गर्दा निजहरू तत्कालै भागी फरार रहेको घटनाको सूचना प्राप्त भई अनुसन्धान गर्दा निजहरुलाई आज धनकुटाबाट पक्राउ गरिएको जिल्ला प्रहरी कार्यालय धनकुटाका प्रवक्ता डीएसपी ओमप्रकाश खनालले जानकारी दिए ।
पक्राउ परेकाको जबरजस्ती करणी उद्योग कसूरमा अनुसन्घान भइरहेको प्रहरीले जनाएको छ ।
