धनकुटाबाट लागुऔषध मुद्दामा फरार प्रतिवादी पक्राउ
धनकुटा,१७ असार । धनकुटाबाट लागुऔषध मुद्दामा फरार प्रतिवादी पक्राउ परेका छन् ।
पक्राउ पर्नेमा जिल्लाको साविक छिन्ताङ गाबिस वडा नं. ९, हाल सहिदभूमि गाँउपालिका वडा नं. १ बस्ने ३२ बर्षिया दिनेश राई रहेका छन् ।
राई गत २०७९ फागुन २ गते लागुऔषध मुद्दा दर्ता भई हालसम्म फरार रहेका थिए ।
निजलाई प्रहरी चौकी त्रिवेणी धनकुटाबाट खटिएको प्रहरी टोलीले आज दिउंसो अन्दाजी २:३० बजे घरमै फेला पारी पक्राउ गरिएको जिल्ला प्रहरी कार्यालय धनकुटाका प्रवक्ता डीएसपी ओमप्रकाश खनालले जानकारी दिए ।
राईलाई आवश्यक कारबाहीको लागि दाखिला गरिएको र भोलि धनकुटा जिल्ला अदालतबाट थुनामा राख्ने म्याद लिई अनुसन्धान गरिने डीएसपी खनालले बताए ।
