धनकुटाबाट लागुऔषध गांजा सहित एक जना पक्राउ
धनकुटा,२० असार । धनकुटाबाट लागुऔषध गांजा सहित एक जना पक्राउ परेका छन् ।
पक्राउ पर्नेमा जिल्लाको पाख्रीवास नगरपालिका वडा नम्वर ८ बस्ने ४६ बर्षिया भीमबहादुर राई रहेका छन् ।
आज दिउंसो करिब १२ बजे इलाका प्रहरी कार्यालय भेडेटारबाट खटिएको चेकिङ् टोलीले भेडेटार चोकमा तेह्रथुमबाट झापा तर्फ जाँदै गरेको ना ४ ख ६३१८ नम्बरको यात्रुवाहक बस रोकी जाँच गर्दा बसमा सवार राईले आफू बसेको सीटमुनि लुकाइछिपाई राखेको जेव्रा झोला खोली हेर्दा लागुऔषध गाँजा ७ किलो फेला परेपछि नियन्त्रणमा लिईएको जिल्ला प्रहरी कार्यालय धनकुटाका प्रवक्ता डीएसपी ओमप्रकाश खनालले जानकारी दिए ।
गांजा सहित पक्राउ परेकाको बारेमा थप अनुसन्धान भैरहेको प्रहरीले जनाएको छ ।
