धनकुटामा अटो दुर्घटना,६ जना घाइते
धनकुटा,२० असार ।धनकुटामा अटो दुर्घटना हुंदा ६ जना घाइते भएका छन् ।
घाइते हुनेमा धनकुटा नगरपालिका वडा नम्बर ९ बेलहारा बस्ने ६१ बर्षिया निर्मला बस्नेत, ३३ बर्षिया रेनुका न्यौपाने, १७ बर्षिया डेबिड विक, धनुषा जनकपुर नपा १४ बस्ने ४४ बर्षिया बसन्त बहादुर पुर्वे, काठमाडौ कामनपा-२६ बस्ने ५० बर्षिया रमेश प्रसाद दुलाल, र मोरङ कानेपोखरी गापा ५ बस्ने २० बर्षिया देवी वि.क. रहेका छन् ।
आज दिउंसो करिब १:३५ बजे धनकुटा नगरपालिका वडा नम्बर ९ स्थित गुठीटार-बेलहारा भित्री सडकखण्डमा बेलहाराबाट सदरमुकामतर्फ आउँदैगरेको को २ ह ५५६७ नम्बरको अटो अनियन्त्रित भई नालामा पल्टिएर दुर्घटना भएको जिल्ला प्रहरी कार्यालय धनकुटाका प्रवक्ता डीएसपी ओमप्रकाश खनालले जानकारी दिए ।
घाइतेहरुको उपचारको लागि जिल्ला अस्पताल धनकुटा ल्याइएको,बाटो अवरोध नभएको साथै अटो र चालक
धनकुटा नपा ९ बस्ने ४२ बर्षिया जितेन्द्र बास्तोलालाई नियन्त्रणमा लिइएको प्रहरीले जनाएको छ ।
