धनकुटामा क्षमता बिकासका लागि एक दिने उद्घोषण तालिम सम्पन्न
धनकुटा,३२ असार । धनकुटाको धनकुटा नगरपालिका १ हिलेमा एक दिने क्षमता बिकासका लागि उदघोषण तालिम सम्पन्न भएको छ ।
हिले सामुदायिक सिकाई केन्द्रको आयोजना तथा धनकुटा नपाको आर्थिक सहयोगमा उक्त कार्यक्रम सम्पन्न भएको हो ।
कार्यक्रमको उदघाटन समारोहमा प्रमुख अतिथिको आसनबाट धनपा वडा नम्बर १ का वडा अध्यक्ष ओङद तामाङले हिलेमा यस किसिमका कार्यक्रमहरि नियमित रुपमा संचालन हुनुपर्ने बताउनु भयो ।
कार्यक्रमका प्रशिक्षकहरुमा सामुदायिक वन महासंघ धनकुटाका अध्यक्ष निल बहादुर थापा र कृषि पर्यटन अभियन्ता एवं लेखक जीवनप्रसाद राई रहनु भएको थियो । कार्यक्रममा वडा सदस्य फुलमाया बिक, पुर्व वडा सदस्य एवं संचारकर्मी कल्पना थापा, शिक्षिका आर्जु श्रेष्ठ, कल्पना राई लगायतले समेत आ–आफ्नो बिचार ब्यक्त गरेका थिए ।
साबित्रा थापामगरद्धारा संचालित उक्त कार्यक्रमको अध्यक्षता योगेन्द्र शाहीले गर्नुभएको थियो । रोजिना राईले स्वागत मन्तब्य गर्नुभएको यस कार्यक्रममा ४० जना महिलाहरुको सहभागिता रहेको थियो ।
कार्यक्रम पार्कजोन हिलेको नवनिर्मित हलमा संचालन भएको थियो ।
