धनकुटामा अविरल बर्षाका कारण दुई स्थानमा सडक अवरुद्द
धनकुटा,४ साउन । धनकुटामा पहिरो र बाढीले दुई स्थानमा सडक अवरुद्द भएको छ ।
गएराति देखि परेको अबिरल बर्षाका कारण आज बिहान करिब ६:२० बजे जिल्लाको सांगुरीगढी गाउंपालिका ५ लुम्फाकुङ स्थित निर्माणधिन रवि राके भेडेटार सडक खण्डमा सडक माथिबाट पहिरो खस्दा सडक तत्काल दुबै तर्फ नै अबरोध भएको जिल्ला प्रहरी कार्यालय धनकुटाका प्रवक्ता डीएसपी ओमप्रकाश खनालले जानकारी दिए ।
उक्त स्थानमा प्रहरी चौकी डाडाबजारबाट प्रहरी टोली खटिगई खुलाउने पहल भइरहेको छ ।
त्यस्तै चौबिसे गापा ४ मा निर्माणधिन तमोर करिडोर सडक खण्डमा पर्ने छरुवा खोलामा बाढी आई तत्काल दुबैतर्फ सवारी साधन आवतजावत अवरुद्द भएको छ ।
उक्त स्थानमा अस्थायी प्रहरी पोष्ट फलामेटारबाट प्रहरी टोली खटि सडक खुलाउने पहल भइरहेको डीएसपी खनालले बताए ।
