के बन्ला त अब राधाकृष्ण मन्दिर ?
धनकुटा,६ साउन । धनकुटाको पाख्रिबासमा राधाकृष्ण मन्दिर तथा सामुदायिक हल निर्माण हुने भएको छ ।
श्रीमद् भागवत प्रचार-प्रसार सेवा संघ जिल्ला शाखा धनकुटाको पहलमा जिल्लाको पाख्रिबास नगरपालिका ४ स्थित पर्यटकीय सिमसार क्षेत्रमा रहेको भगवान गौतम बुद्दको मूर्ति नजिकै उक्त मन्दिर र हल निर्माण गरिने निर्माण समितिका अध्यक्ष बिष्णु बिक्रम निरौलाले जानकारी दिए ।
बिसं २०७६ सालदेखि उक्त मन्दिर बनाउन पहल गरिएपनि हालसम्म बन्न सकेको थिएन ।
शाखामा हाल ३ लाख ३७ हजार ७ सय १५ रुपैया नगद रहेको र जिन्सी तथा नगद गरेर उठ्न बांकी रकम ११ लाख रहेको निर्माण समितिका अध्यक्ष निरौलाले बताए ।
आज बसेको समितिको बैठकले उक्त मन्दिर तथा हलको शिलान्यास साउन २६ गते गरिने निर्णय गरेको छ ।
