धनकुटाको हिले स्थित बक्रकुण्ड मन्दिरमा नाग पञ्चमीको अवसरमा भक्तजनको घुइँचो
धनकुटा,१३ साउन । नाग पञ्चमी पर्वको अवसरमा अवसरमा धनकुटाको हिले स्थित धार्मिक तथा पर्यटकीय स्थल बक्रकुण्ड मन्दिर भक्तजनको घुइँचो लागेको छ ।
धनकुटा सहित तेह्रथुम भोजपुर र तराइका जिल्ला बाट समेत विहानै देखि भतmजन आइ पुजाआजा गरेको मन्दिर व्यावस्थापन समितीले जनाएको छ । नागदेवताको बसोबास रहेको विश्वास गरिने यो मन्दिरमा आजको दिन पूजाआजा र दर्शन गरे सुखशान्ति प्राप्त हुने जनविश्वास रही आएको स्थानीय दामोदर घिमिरेले जानकारी दिए ।
मन्दिरमा नाग बाहेक एक सय ८ देवी देवताको वास रहेको विश्वास गरिन्छ । सो क्षेत्रका पत्थरमा नाग सहित विभिन्न आकृति रहेका छन् । धार्मिक पर्यटकिय क्षेत्रको रुपमा विकास हुँदै गएको यस स्थानमा नागपञ्चमी शिवरात्रीको अवसमा विशेष मेला लाग्ने गर्दछ भने अन्य समयमा समेत आन्तरिक तथा बाह्य पर्यटक आउने र पुजा तथा अवलोकन गर्ने गरेको मन्दिर व्यावस्थापन समितिका अध्यक्ष लालचन्द्र गोङ्वाले बताए ।
हिले आएका आन्तरिक तथा बाह्य पर्यटक लाई मन्दिर सम्म लैजाने र धार्मिक पर्यटकीय क्षेत्रको रुपमा विकास गर्नका लागि कामहरु भई रहेको धनकुटा नगरपालिकाका प्रमुख चिन्तन तामाङ्गले बताए । मन्दिरको १५ औ स्थापना दिवस तथा नाग पञ्चमीको अवसरमा विशेष पूजाआजा गरिएको हो ।
वि.सं २०६७ सालमा नाग पञ्चमीकै दिन सो स्थानका पत्थरमा नाग देवता देखिए पछि मन्दिर स्थापना गरिएको थियो । नाग पञ्चमी बाहेक शिवरात्रिमा यो मन्दिरमा विशेष पूजाआजा हुने गरेको छ । कार्यक्रमका प्रमुख अतिथी धनकुटा नगरपालिकाका प्रमुख चिन्तन तामाङले पानसमा दिप प्रज्जवलन गरि उद्घाटन कार्यक्रमको उद्घाटन गरेका थिए ।
