धनकुटाबाट लागू औषध गाँजा सहित दुई जना बालक पक्राउ
धनकुटा,१९ साउन । धनकुटाबाट लागू औषध गाँजा सहित २ जना बालक पक्राउ परेका छन् ।
पक्राउ पर्नेमा जिल्लाको चौबिसे गाउंपालिका ६ बस्ने २ बालक रहेका छन् ।
गत साउन १८ गते राजारानी चौकमा इलाका प्रहरी कार्यालय राजरानीबाट खटिएको पिकेट टोलीले राजारानीताल देखि राजारानी बजार तर्फ पैदल आउदै गरेका उक्त बालकहरुबाट २ किलो लागू औषध गाँजा फेला पारेपछि नियन्त्रणमा लिइएको जिल्ला प्रहरी कार्यालय धनकुटाको संचार शाखाले जनाएको छ ।
उनीहरुको आज जिल्ला अदालत धनकुटाबाट दिन ५ दिन म्याद थप गरी थप अनुसन्धान कार्य भई रहेको प्रहरीले जनाएको छ ।
