बहुविवाहलाई कानुनी मान्यता दिने मस्यौदा प्रति अन्तरपाटी महिला संजाल धनकुटाद्वारा विरोध,सरकारलाई पठायो ध्यानाकर्षण पत्र
धनकुटा,२० साउन । सरकारद्धरा मुलुकी संहिताको धारा १७५ संशोधन गरी विबाहित पुरुषलाई निश्चित परिस्थितीमा बहुविवाह गर्दा कानुनी मान्यता दिने प्रस्तावित मस्यौदा प्रति अन्तरपाटी महिला संजाल धनकुटाले विरोध गर्दै नेपाल सरकारलाई ध्यानाकर्षण पत्र पठाएको छ ।
संजालले आज धनकुटाका सहायक प्रमुख जिल्ला अधिकारी खगेन्द्र सुवेदी मार्फत सरकार लाई पत्र पठाएको हो । बहुविवाहलाई वैधानिक मान्यता दिने प्रस्ताव संविधान, मानव अधिकार, महिला अधिकार, सामाजिक न्याय तथा लैंगिक समानताको विरुद्ध रहेकोले विरोध गरिएको संजालले जनाएको छ ।
बहुविवाहजस्तो लैंगिक हिंसालाई प्रोत्साहित गर्ने प्रस्ताव सामाजिक र कानुनी दृष्टिकोणबाट समेत अस्वीकार्य रहेको संजालको भनाई छ । पत्र बुझाउन विभिन्न पाटीमा आवद्ध महिला नेतृहरु जिल्ला प्रशासन गएको थिए ।
