धनकुटामा राष्ट्रिय समावेशी आयोगद्वारा कार्यक्रम सम्पन्न
धनकुटा,२५ साउन । धनकुटामा राष्ट्रिय समावेशी आयोगले एक कार्यक्रम सम्पन्न गरेको छ ।
राष्ट्रिय समावेशी आयोग पुलचोकको आयोजनामा उक्त एकदिने कार्यक्रम सम्पन्न भएको हो ।
धनकुटा नगरपालिकामा नगर प्रमुख चिन्तन तामाङको अध्यक्षतामा संचालित कार्यक्रममा प्रमुख अतिथिको रुपमा राष्ट्रिय समावेशी आयोगका कार्यवाहक अध्यक्ष माननीय हरिदत्त जोशीले वन्यजन्तुको समस्याको बारेमा आफ्न बिचार राख्नुभएको थियो । यसैगरी आयोगका माननीय तथा बिशिस्ट अतिथि पुष्पराज तिम्सिनाले वन्यजन्तुको समस्या हाम्रो आफ्नै कारणले समाधान गर्न नसकिएको बताउनु भयो ।
आयोगका कामहरु, जिम्मेवारीहरु बारे सचिव बलराम निराैलाले प्रष्ट पार्नु भएको थियो । कार्यक्रममा नगर उप प्रमुख भिमा खनाल,प्रमुख जिल्ला अधिकारी टुवराज पाेखरेल, धनपाका प्रमुख प्रशासकीय अधिकृत दशरथ राई, कार्य पालिका सदस्य मनकला लिम्बू, महिला संजालका अध्यक्ष अम्बिका धमला, नुषराज श्रेष्ठ, बिमला भण्डारी, कृषि ज्ञान केन्द्र प्रमुख नगेन्द्र राना, कृषि पर्यटन अभियन्ता जीवनप्रसाद राई लगायतले आफ्नो बिचार राख्नु भएको थियो ।
कार्यक्रमको संचालन नगरपालिकाका अधिकृत राजु गुरागाईले गर्नु भएको थियो ।
