जालपादेवी माबिको बिद्यालय ब्यवस्थापन समिति निर्वाचनबाट चयन
धनकुटा,२७ साउन । धनकुटाको पाख्रिबास नगरपालिका ४ स्थित जालपादेवी माध्यमिक बिद्यालयको नयां ब्यवस्थापन समिति चयन गरिएको छ ।
सदस्य निर्वाचनका माध्यमबाट चयन गरिएको हो । सहमतिमा सदस्य चयन गर्ने प्रयास असफल भएपछि विद्यालय प्रशासनले निर्वाचन प्रकृयामा गएर मतदानबाट चयन गरिएको हो।
साउन २६ मा सम्पन्न निर्वाचनमा कुल ४ सदस्यका लागि १३ जना उम्मेदवारले मनोनयन दर्ता गरेपनि अन्तिम समयमा १ जनाले मनोनयन फिर्ता लिएसंगै १२ प्रतिस्पर्धी चुनावी मैदानमा होमिएका थिए ।
हिजो राती अबेर सम्पन्न मतगणनाको परिणाम अनुसार बिब्यास सदस्यमा राज कुमार निरौला(११२ मत),बिजय शेर्पा लामा(१०८ मत),शुष्मा गुरुंग(१२२ मत) र सुनिता बिश्वकर्मा(११० मत) सहित बिजयी भएका छन् ।
निकटतम प्रतिद्वन्दीहरु दल बहादुर तामांग(८६ मत),राजेन्द्र भण्डारी(८६ मत),कुलमाया थापा(८९ मत) र मौषमी माया लिम्बु(८९ मत) प्राप्त गरेका छन् ।
मतदानका लागि सार्बजनिक कुल मतदाता संख्या ४ सय ४४ जना रहेको थियो ।
