ताप्लेजुङको तेम्बा बजारमा आगलागी हुँदा एक करोड १८ लाख रुपैयाँ बढीको क्षति
ताप्लेजुङ । ताप्लेजुङको मिक्वाखोला गाउँपालिकाको तेम्बा बजारमा आगलागी हुँदा एक करोड १८ लाख रुपैयाँ बढीको क्षति भएको हो ।
स्थानीय बजारमा व्यवसाय सञ्चालन गरेर बस्नु भएका इन्द्र कुमार लिम्बू, राजकुमार लिम्बू, अनिल लिम्बू र विष्णुप्रसाद लिम्बूको घर जलेर पूर्ण रुपमा नष्ट हुँदा उक्त रकम बराबरको क्षति भएको प्रमुख जिल्ला अधिकारी शिवराज सेढाइँले जानकारी दिनुभयो ।
प्रारम्भिक विवरण अनुसार सबैभन्दा बढी राजकुमार ५० लाख रुपैयाँ बराबरको क्षति भएको छ ।
प्रजिअ सेँढाइका अनुसार इन्द्रकुमारको घर जलेर नष्ट हुँदा ४३ लाख, अनिलको २० लाख र बिष्णुप्रसादको पाँच लाख रुपियाँ बराबरको क्षति भएको छ ।
