रामधुनी मन्दिर पुगेका तीर्थयात्री सुनसरी खोलामा नुहाउने क्रममा डुबेर एकको मृत्यु
विराटनगर । बाला चतुर्दशी मेलाको अवसरमा रामधुनी मन्दिर पुगेका तीर्थयात्री सुनसरी खोलामा नुहाउने क्रममा वेपत्ता भएका मध्ये एकजनाको जीवितै उद्धार गरिएको छ भने अर्का एकजना मृत फेला परेका छन्।
घटनामा सुन्दरहरैंचा–३ निवासी ४१ वर्षीय देवेन्द्र भट्टराई खोलामा बगेर वेपत्ता भएका थिए। खोजीकार्य जारी राखेको प्रहरी टोलीले उहाँलाई मृत अवस्थामा फेला पारेको हो। सोही क्रममा खोलामा डुबेका भिमराज काफ्लेलाई भने प्रहरी टोलीले समयमै जीवितै उद्धार गरी उपचारका लागि अस्पताल पठाएको छ।
स्थानीय प्रहरी, सशस्त्र प्रहरीको सक्रिय प्रयासपछि उद्धारकार्य सम्पन्न गरिएको जनाइएको छ।बाला चतुर्दशी मेलाको भीडभाडमा सुरक्षात्मक सावधानीको आवश्यकता अझ बढेको स्थानीयहरूले बताएका छन्।
