धनकुटाको श्री आधारभूत बिद्यालयका विद्यार्थीलाई रोटरी क्लबद्वारा ट्र्याक सुट वितरण
धनकुटा । चिसो बढे सँगै रोटरी क्लब अफ पशुपति काठमाण्डौले धनकुटा नगरपालिका वडा नम्बर दशमा रहेको श्री आधारभूत विद्यालय उत्तरपानीका विद्यार्थीलाई ट्रयाक सुट वितरण गरेको छ ।
विद्यालयको ५८ औ वार्षिक उत्सवको अवसरमा आयोजित कार्यक्रममा एक लाख बराबरका ७० थान ट्रयाक सुट वितरण गरिएको हो । क्लबको तर्फबाट राजेश्वर बहादुर श्रेष्ठले विद्यालय व्यवस्थापन समिति अध्यक्ष तेज बहादुर कार्कीलाई हस्तान्तरण गर्नु भयो ।
त्यस्तै विद्यालयले ५८ औ वार्षिक उत्सवको अवसरमा सहयोग दाता सहित विभिन्न ब्यक्ति तथा संस्थालाई सम्मान गरेको छ । बिद्यालयका पूर्व प्र अ कमला दाहाल, शिक्षक भानुभक्त राई, सहयोगदाता राजेश्वर बहादुर श्रेष्ठ, शिक्षक हिमाल दाहाल, गुराँसे टी स्टेट प्राली, रोटरी क्लब अफ पशुपति काठमाडौँ सहित श्रोत कक्षालाई सहयोग गर्ने तिन दर्जन बढी ब्यक्तिन र संस्थालाई सम्मान गरिएको विद्यालयका प्रधानाध्यापक विनोद सुबेदीले जानकारी दिनुभयो ।
सो अबसरमा बिद्यालयमा स्थापना गरीएको अक्षकोषवाट छात्राबृत्ती समेत प्रदान नगरीएको छ । २०२४ सालमा स्थापना भएको सो विद्यालयमा श्रोत सहित कक्षा ८ सम्ममा ९६ विद्यार्थी रहेका छन् ।
