मोरङको सुन्दरहरैचामा दुर्घटना, बेलबारीका शिक्षक कोईरालाको निधन
बेलबारी, २५ पुस । मोरङको सुन्दरहरैचा–८ सलकपुर बजार नजिक बसको लापरबाहीका कारण भएको दुर्घटनामा बेलबारीका शिक्षक कमल कोइरालाको निधन भएको छ।
बिहीबार साँझ पूर्व–पश्चिम दिशातर्फ गइरहेको बस र मोटरसाइकल चिप्लो सडकमा ठोक्किँदा गम्भीर घाइते भएका कोइरालाको उपचारका क्रममा कोशी अञ्चल अस्पतालमा मृत्यु भएको हो।
करिब ५० वर्षका कोइराला कसेनी माध्यमिक विद्यालय, बेलबारी–४ काकुमका शिक्षक थिए र हाल इटहरी–८ मा बसोबास गर्दै आएका थिए।
लगातार बढ्दै गएको बसको लापरबाहीले यस्ता दुर्घटना दोहोरिन थालेको स्थानीयको गुनासो छ।
