सङ्खुवासभाको पाँचखपनमा श्रम संस्कृति पार्टीको नगर समिति गठन
संखुवासभा । सङ्खुवासभा जिल्लाको पाँचखपन नगरपालिकामा श्रम संस्कृति पार्टीको २१ सदस्यीय नगर समिति गठन गरिएको छ । पार्टीको संगठन विस्तार अभियानअन्तर्गत आयोजित भेलाबाट नयाँ नगर समिति चयन गरिएको हो ।
नवगठित नगर समितिको अध्यक्षमा सुबास सावा लिम्बू चयन हुनुभएको छ । त्यसैगरी उपाध्यक्षमा ङिमा सेर्की शेर्पा, सचिवमा सरोज राई तथा कोषाध्यक्षमा मिना कुमारी तामाङ चयन हुनुभएको छ ।
भेलामा वक्ताहरूले श्रम संस्कृति पार्टीले श्रमिक, किसान र आम नागरिकका हकहितका लागि काम गर्दै आएको उल्लेख गर्दै आगामी दिनमा नगरस्तरमा संगठन सुदृढ गर्दै जाने प्रतिबद्धता व्यक्त गरेका थिए ।
पार्टीले पाँचखपन नगरपालिकामा संगठन मजबुत बनाउँदै राजनीतिक चेतना अभिवृद्धि गर्ने उद्देश्य लिएको जनाएको छ ।
