झापाबाट पक्राउ परे बारम्बार बमको त्रास फैलाउने खरेल
झापा । झापामा ‘प्रेसर कुकर बम’को त्रास फैलाउने घटनासँगै फेरि एकपटक पुरानै नाम सतहमा आएको छ ।
बम राखेर आतंक मच्चाएको घटनामा पुनः सञ्जय भनिने खगेन्द्र खरेलको संलग्नता रहेको प्रहरीको प्रारम्भिक अनुसन्धानबाट पत्ता लागेको छ । कनकाई नगरपालिका–४ स्थित कनकाई पुल नजिक विस्फोटक पदार्थ राखी सर्वसाधारणमा आतंक फैलाएको आरोपमा ५५ वर्षीय खरेललाई प्रहरीले पक्राउ गरेको छ ।
उनी कनकाई नगरपालिका–८ का स्थायी बासिन्दा हुन् । खरेल यसअघि पनि पटक–पटक यस्तै प्रकृतिका घटनामा पक्राउ परेर सजाय भोग्दै आएका व्यक्ति रहेको झापा प्रहरीका प्रवक्ता डीएसपी खगेन्द्रबहादुर खड्काले बताए ।
