जिल्ला प्रशासन कार्यालय धनकुटाद्वारा इजाजत प्राप्त वा ईजाजत नभएका हातहतियारहरु ७ दिन भित्र बुझाउन आग्रह
धनकुटा,२८ पुष । आगामी फागुन २१ गतेका लागि तय भएको प्रतिनिधि सभा निर्वाचनलाई लक्षित गर्दै जिल्ला प्रशासन कार्यालय धनकुटाले इजाजत प्राप्त वा ईजाजत नभएका हातहतियारहरु बुझाउन आग्रह गरेको छ ।
जिल्ला प्रशासन कार्यालय धनकुटाले आज सुचना जारी गर्दै हतियारहरु ७ दिन भित्र जिल्ला प्रहरी कार्यालय धनकुटामा वुझाउन आग्रह गरेको हो ।
सहायक प्रमुख जिल्ला अधिकारी लक्ष्मी प्रसाद रेग्मीद्वारा जारी सुचनामा निर्वाचनलाई स्वतन्त्र, निष्पक्ष, भयरहित, विश्वसनीय र शान्तिपूर्ण वातावारणमा सम्पन्न गर्न हतियार बुझाउन आग्रह गरिएको छ ।
