सोलुखुम्बुको एनआइसी एशिया बैंकमा चोरी प्रयास गर्ने एक जना पक्राउ
सोलुखुम्बु । सोलुखुम्बुको एनआइसी एशिया बैंकमा चोरी प्रयास गर्ने एक जना पक्राउ परेका छन ।
एक अज्ञात व्यक्तिले बैंकको ताला तोडफोड गरी भित्र प्रवेश गर्ने प्रयास गरेको थियो। उक्त गतिविधि बैंक परिसरमा जडान गरिएको सीसी क्यामेरामा स्पष्ट देखिएको पछि प्रहरीले खोजी कार्य तिब्र बनाएको थियो ।
आज दिउसो थुलुङ दुधकोशी गाउँपालिका १ नेलेबाट हुलियाका आधारमा पक्राउ गरिएको जिल्ला प्रहरी कार्यालय सोलुखुम्बुले जनाएको छ । पक्राउ पर्नेमा थुलुङ दुधकोशी गाउँपालिका ७ का धनबहादुर राई रहेको जनाएको छ ।
पक्राउ परेका व्यक्ती माथि थप अनुसन्धान भइरहेको जनाएको छ ।
