धनकुटाको सांगुरीगढी स्थित गोलखाडी माबिद्वारा स्वर्ण पदक विजेता विद्यार्थी खेलाडीलाई सम्मान
धनकुटा,१८ माघ । धनकुटाको साँगुरीगढी गाउँपालिका ७ मा रहेको गोलखाडी माध्यमिक विद्यालयले पालिका स्तरिय राष्ट्रपती रनिङ्ग शिल्ड प्रतियोगितामा स्वर्ण पदक विजेता विद्यार्थी खेलाडी तथा प्रतियोगितामा सहभागि विद्यार्थी लाई सम्मान गरेको छ ।
विद्यालयले आज एक कार्यक्रमको अयोजना गर्दै माघ १५ र १६ गते संचालन भएको पालिका स्तरिय राष्ट्रपती रनिङ्ग शिल्ड प्रतियोगितामा तीन हजार मिटर एथ्लेटिक्स तर्फ स्वर्ण पदक विजेता छात्रा कृष्टिना राई, आठ सय मिटर तर्फ स्वर्ण पदक विजेता छात्रा सन्चिता वि.क र हाइजम तर्फ स्वर्ण पदक प्राप्त गर्न सफल छात्रा रन्जना राईलाई विद्यालयको तर्फबाट सम्मान गरिएको विद्यालयका प्रधानाध्यापक खेलबहादुर इवाहाङ्गले जानकारी दिनु भयो ।
प्रतियोगितामा सहभागि सबै खेलाडी लाई समेत विद्यालयको तर्फ बाट सम्मान गरिएको र आगामी दिनमा अझै राम्रो र स्तरिय खेल प्रदर्शनका लागि शुभकाना समेत दिएको विद्यालयका खेलकुद इन्चार्ज शिक्षक वीरबहादुर राईले बताउँनु भयो ।
विद्यालयले यस पटक भने तीन खेलमा स्वर्ण पदक प्राप्त गरेको र पालिका स्तरमा समेत चौथो स्थान हासिल गर्न सफल भएको शिक्षक राईले जानकारी दिनु भयो । सम्मान कार्यक्रममा शिक्षक विद्यार्थीहरुको उपस्थिती रहेको थियो ।
