ओखलढुंगाका एक युवकको दक्षिण कोरियामा सवारी दुर्घटनामा परेर निधन
सोल । दक्षिण कोरियामा कार्यरत एक नेपाली युवाको सवारी दुर्घटनामा परी निधन भएको छ।
ओखलढुंगाका गणेश थापा विगत करिब तीन वर्षदेखि दक्षिण कोरियाको पोछन क्षेत्रमा रहेको एक गाई फार्ममा कृषि श्रमिकका रूपमा कार्यरत थिए।
प्राप्त प्रारम्भिक जानकारीअनुसार फार्मका लागि आवश्यक सामान ल्याउन प्रयोग हुने सानो सवारी साधन लिएर उनी बजार गएका थिए। बजारबाट कार्यस्थल फर्किने क्रममा उक्त सवारी साधन दुर्घटनामा परी पल्टिएको र सवारीले थिचिँदा उनको घटनास्थलमै मृत्यु भएको अनुमान गरिएको छ।
थापा कार्यरत फार्म दुर्गम क्षेत्रमा रहेको बताइएको छ। घटनाबारे दक्षिण कोरियास्थित नेपाली समुदाय तथा सम्बन्धित निकायले थप विवरण संकलन गरिरहेका छन्।
