धनकुटामा लैङ्गिक हिंसा प्रतिकार्य सम्बन्धि तीन दिने क्षमता विकास तालिम सम्पन्न
धनकुटा । धनकुटामा लैङ्गिक हिंसा प्रतिकार्य मञ्च तथा सरोकारवालाहरूका लागि आयोजित तीनदिने क्षमता विकास तालिम सम्पन्न भएको छ।
धनकुटा नगरपालिकाको आयोजना तथा लैङ्गिक हिंसा रोकथाम तथा प्रतिकार्य परियोजना कार्यान्वयन इकाइको समन्वयमा जेठ २३ गतेदेखि २५ गतेसम्म सञ्चालन भएको तालिममा विभिन्न क्षेत्रका सरोकारवाला, जनप्रतिनिधि तथा संघसंस्थाका प्रतिनिधिहरूको उल्लेखनीय सहभागिता रहेको थियो।
धनकुटा नगरपालिकाको सभाहलमा आयोजित तालिममा सहभागीहरूलाई लैङ्गिक हिंसा रोकथाम, हिंसाको प्रतिकार्य, पीडितमैत्री सेवा प्रवाह तथा सम्बन्धित कानुनी व्यवस्था लगायतका विषयमा प्रशिक्षण प्रदान गरिएको थियो।
तालिमले लैङ्गिक हिंसाविरुद्ध प्रभावकारी प्रतिकार्य प्रणाली निर्माण, सरोकारवालाबीच समन्वय र सहकार्य अभिवृद्धि तथा पीडितलाई गुणस्तरीय सेवा उपलब्ध गराउन आवश्यक ज्ञान र सीप विकासमा सहयोग पुगेको आयोजकले जनाएको छ।
कार्यक्रमका सहभागीहरूले तालिमबाट प्राप्त ज्ञान तथा अनुभवलाई व्यवहारमा लागू गर्दै लैङ्गिक हिंसा न्यूनीकरण र पीडितको अधिकार संरक्षणमा सक्रिय भूमिका निर्वाह गर्ने प्रतिबद्धता व्यक्त गरेका छन्।
