तेस्रो अन्तर्राष्ट्रिय पथरी शनिश्चरे गोल्डकपको तयारी तिब्र
माेरङ, ६ साउन । ‘अन्तर्राष्ट्रिय आमन्त्रण तेस्रो पथरी शनिश्चरे गोल्डकप २०८३’ को तयारी तिब्र पारिएको छ ।्र
पथरीशनिश्चरे नगरपालिकोको वार्षिक बजेटमा गोल्डकप समेटिए पछि गोल्डकपको तयारी तिब्र पारिएको आयोजक पथरी ११ फुटबल क्लबका अध्यक्ष सुमन विकले जानकारी दिए ।
असोज १७ गतेदेखि २६ गतेसम्म सञ्चालन हुने गोल्डकप संन्चालनको लागी अहिले मैदानको अवस्था सुधारिदै गरिएको छ । मैदान प्रबेशमै रोक लगाइएको छ । ‘मैदानमा घास उमारिने र तिनै घासमा पानी लगाउने देखी स्याहार गरिदै आएको अध्यक्ष विकले जानकारी दिए ।
गत वर्ष गोल्डकप सन्चालन भएपछि मैदानमा गाई बस्तु चराउने देखी विभिन्न खेल खेल्दा मैदानको अवस्था विग्रीएको थियो श्रमदान गरेर नै मैदानको अवस्था सुधारीदै छ’ विकले भने‘यस पछि अन्य तयारी तिब्र बनाइने छ ।’
पथरीशनिश्चरे नगरपालिकाले यस आर्थिक वर्षको नगरसभाबाट १० लाख रकम छुट्याएपछि प्रतियोगीता आयोजना गर्न थप सहज भएको छ । आयोजकले नगरपालिका वाट रकम सुनिश्चिताता भएपछि थप प्रायोजक र अन्य सहयोगीको खोजी समेत थालेको छ । गत २ संस्करणका प्रायोजक र सहयोगी संग निरन्तर सम्वाद भइरहेको अध्यक्ष विकले जानकारी दिए । गोल्डकप सन्चालनका लागी करिव ८० लाख लाग्ने अनुमान आयोजकको रहेको छ ।
तेस्रो संस्करणको गोल्डकपको बिजेताले रु ६ लाख प्राप्त गर्ने छ । गत बर्षको भन्दा उपाधी रकम वृद्धि गरिएको छ । सहलेस फुटवल क्लब दोअह्रो संस्करणको गोल्डकपको बिजेता टोली हो । गोल्डकपमा २ बिदेशी र ए डिभिजन क्लब सहित १० टोली प्रतिस्पर्धा गर्ने छ्न ।
