लागूऔषध सहित झापा र मोरङबाट २ जना पक्राउ
विराटनगर । झापा र मोरङबाट प्रहरीले लागूऔषधसहित दुई जनालाई पक्राउ गरेको छ।
भदौ १ गते झापाको बिर्तामोड नगरपालिका–३ मा विशेष सूचनाका आधारमा प्रहरी चौकी बिर्ताबजारबाट खटिएको टोलीले भारत बिहार सुपौलका मोहमद तोहिदलाई पक्राउ गरेको हो। उनको साथबाट ५ ग्राम ५५० मिलिग्राम ब्राउन सुगर बरामद भएको प्रहरीले जनाएको छ।
त्यस्तै, मोरङको सुन्दरहरैचा नगरपालिका–१ का ४९ वर्षीय सुन्दर लाल चौधरीलाई इलाका प्रहरी कार्यालय बेलबारी र हरैचाबाट खटिएको टोलीले उनकै घरबाट पक्राउ गरेको छ। उनको घरबाट ३ किलो ७६० ग्राम गाँजा र नगद २ लाख ७१ हजार रुपैयाँ बरामद गरिएको प्रहरीले जनाएको छ।
पक्राउ परेका दुवै जनामाथि थप अनुसन्धान भइरहेको प्रहरीले जनाएको छ।
