धनकुटाको साँगुरीगढी स्थित तमोर नदीमा फेला परेको शव तेह्रथुमका डिपलक लिम्बुको
धनकुटा । धनकुटाको साँगुरीगढी गाउँपालिका–१० स्थित तमोर नदीमा फेला परेको शव तेह्रथुमको म्याङ्लुङ निवासी डिपलक लिम्बुको भएको पुष्टि भएको छ।
लिम्बुकी आमाले धनकुटा पुगेर शवको पहिचान गर्नुभएको जिल्ला प्रहरी कार्यालय तेह्रथुमले जनाएको छ। आवश्यक कानुनी प्रक्रिया र पोस्टमार्टम सम्पन्न भएपछि शव परिवारलाई बुझाइनेछ।
लिम्बुको खोजी तथा उद्धारमा खटिएका सुरक्षाकर्मी, सशस्त्र प्रहरी बलको गोताखोर टोली, जिल्ला प्रशासन कार्यालय र सहयोग गर्ने स्थानीयवासीप्रति प्रहरीले आभार व्यक्त गरेको छ। खोजी कार्यमा सहायक प्रमुख जिल्ला अधिकारी बालकृष्ण लिम्बुको समन्वय र सहजीकरणसमेत उल्लेखनीय रहेको प्रहरीले जनाएको छ।
