धनकुटा बसपार्कका खाद्य पसलमा अनुगमन, म्याद नाघेका खाद्य पदार्थ नष्ट
धनकुटा । चाडपर्वलाई लक्षित गर्दै धनकुटा बसपार्क क्षेत्रमा रहेका खाद्य पसलहरूको संयुक्त बजार अनुगमन गरिएको छ।
जिल्ला प्रशासन कार्यालय धनकुटा, खाद्य प्रविधि तथा गुण नियन्त्रण डिभिजन कार्यालय, घरेलु तथा साना उद्योग कार्यालय, धनकुटा नगरपालिका, इलाका प्रहरी कार्यालय, उद्योग वाणिज्य संघ तथा पत्रकारसहितको संयुक्त अनुगमन टोलीले बसपार्कमा रहेका खाद्य पसलहरूको अनुगमन गरेको हो।
अनुगमनका क्रममा खाद्य स्वच्छता कायम गर्न व्यवसायीहरूलाई निर्देशन दिइएको छ भने म्याद नाघेका खाद्य तथा पेय पदार्थ जफत गरी नष्ट गरिएको छ।
चाडपर्वका समयमा उपभोक्तालाई स्वच्छ, सुरक्षित र गुणस्तरीय खाद्य सामग्री उपलब्ध गराउने उद्देश्यले बजार अनुगमनलाई प्राथमिकता दिइएको हो।
