धनकुटाका विभिन्न स्थानमा भोलि १४ घण्टा विद्युत् सेवा अवरुद्ध हुने
धनकुटा । ११ केभी जितपुर फिडरअन्तर्गत विद्युत् लाइनको डिस्कनेक्टिङ स्विच परिवर्तन गर्नुपर्ने भएकाले भोलि बुधबार धनकुटाका विभिन्न स्थानमा विद्युत् सेवा अवरुद्ध हुने भएको छ।
नेपाल विद्युत् प्राधिकरण धनकुटा वितरण केन्द्रका अनुसार असोज २८ गते बिहान ६:३० बजेदेखि राति ९ बजेसम्म विद्युत् सेवा अवरुद्ध हुनेछ।
त्रिसुलेमुनि होराइजन होटल नजिक ओख्रे, सान्ने र ओक्मालुङतर्फ जाने ११ केभी लाइनको डिस्कनेक्टिङ स्विच परिवर्तन गर्नुपर्ने भएकाले छथर जोरपाटी गाउँपालिकाका केही स्थान, धनकुटा नगरपालिका–१ का केही भाग तथा महालक्ष्मी नगरपालिकाका केही स्थानमा विद्युत् सेवा प्रभावित हुने केन्द्रले जनाएको छ।
निर्धारित समयभन्दा अगाडि नै काम सम्पन्न भएमा विद्युत् सेवा सोहीअनुसार चाँडै सञ्चालन गरिने पनि वितरण केन्द्रले जानकारी दिएको छ।
विद्युत् सेवा अवरुद्ध हुँदा ग्राहकमा पर्न जाने असुविधाप्रति नेपाल विद्युत् प्राधिकरण धनकुटा वितरण केन्द्रले क्षमायाचना गरेको छ।
