धनकुटा आन्दोलनमा थप १ गरी २ घाईते, तालाबन्दी लगत्तै ताला खोलियो
धनकुटा खबर । प्रादेशीक राज्यको राजधानी माग गर्दै क्षेत्रीय प्रशासन धनकुटामा तालाबन्दी गर्ने क्रममा घाईते हुनेको संख्या २ जना रहेको संघर्ष समितिले जानकारी दिएका छन् ।
तालाबन्दी गर्न गएको आन्दोलनकारी र शुरक्षाकर्मी बीच प्रशासनको गेटमा घम्साघम्सी हुंदा धनकुटा ६ का जेसिस श्रेष्ठ घाईते भएका थिए ।
उक्त घम्साघम्सीमा परी धनपा ६ कै अजित पाख्रीन पनि घाईते भएको आन्दोलनमा संयोजक सुन्दरबाबु श्रेष्ठले जानकारी दिए । श्रेष्ठको टाउको फुटेको छ भने पाख्रिनको हातमा चोट लागेको छ ।
प्रदेश सभासद क र ख का समासद् द्वय निरन राई र ईन्द्रमणी पराजुलीको नेतृत्वमा मूल गेट तोडेर प्रशासनमा तालाबन्दी गरिएपनि आन्दोलनकारी फर्कीए पछि कार्यालयको ताला फोडेर कार्यालय सन्चालन गरिएको छ ।
धनकुटालाई प्रदेश नं. १ को राजधानी माग गर्दै गएको ३३ दिन देखि धनकुटामा जारी आन्दोलन र बिभिन्न समयमा आम हडतालहरु भईरहेका छन् ।
