सरकारले लिनेभो विश्व बैंकसँग ४५ अर्ब रुपैयाँ ऋण
काठमाडौं । सरकारले विश्व बैंकसँग ४५ अर्ब रुपैयाँ ऋण लिने भएको छ । भूकम्प पीडितको लागि आवास, पशुपालन र व्यावसायिक शिक्षा तथा तालीम परियोजनाको लागि ऋण लिन लागेको हो ।
अर्थमन्त्री ज्ञानेन्द्रबहादुर कार्की र विश्व बैंकका दक्षिण एसियाली उपाध्यक्ष एन्नेट डिक्सनबीच आइतबार ४४ अर्ब ८२ करोड रुपैयाँको सहुलियत ऋण संझौता भएको छ । विश्व बैंकसँगको ऋणबाट भूकम्प पीडितको लागि ९६ हजार घर निर्माण गरिने अर्थ मन्त्रालयले जनाएको छ ।
व्यावसायिक शिक्षा तथा तालीम परियोजना शिक्षा मन्त्रालय अन्तरगत संचालिन गर्ने सरकारको योजना छ । त्यो परियोजना युवालाई प्राविधिक शिक्षा दिइने भएको छ । पशुपालनको लागि लिइने ऋणबाट देशका २५ जिल्लामा पशुपालन व्यवसायलाई प्रर्वद्धन गर्ने योजना बनेको छ ।
