चोरेको आरोपमा बाँधेर कुटिएको ठाउँमा सेल्फी लिने २ जना पक्राउ
फागुन १२ । भारतको केरला राज्यमा प्रहरीले एक जना नागरिकलाई बाँधेर कुटिएको अवस्था सेल्फी लिएको भन्दै २ जानलाई पक्राउ गरेको छ ।
उक्त घटना सामाजिक संजालमा भाइरल भएपछि प्रहरीले घटनामा संम्लग्न २ जनालाई पक्राउ गरेको हो । प्रहरीले घटनामा संलग्न अन्यको खोजी जारी राखेको जनाएको छ ।
सामाजिक संजालका फैलिएको भिडियो फूटेज तथा फोटामा एक जना नागरिकलाई बाँधेर राखिएको अवस्थामा सेल्फी खिचिएको देखाइएको छ । कुटाइ खाने व्यक्ति स्थानीय आदिवासी भएको जनाइएको छ । उनले खानका लागि भात चाेरेर खाएकाे भन्दै स्थानीयले बाँधेर कुटपीट गरेकाे जनाइएकाे छ । उक्त घटनाकाे सबैतिर बिराेध भएकाे छ ।
तर उक्त व्यक्तिको घटनास्थलमा नै ज्यान गएको बीबीसीले जनाएको छ । उक्त व्यक्तिलाई अस्पताल पुर्याइए पनि अस्पताल पुर्याउनुभन्दा अगाडि नै ज्यान गएको बीबीसीले जनाएको छ ।
प्रहरीका अनुसार घटना लगत्तै प्रहरीलाई जानकारी आएपछि घटनाीथलमा प्रहरी पुगेको थियो । उक्त फोटो र भिडियो फूटेज सामाजिक संजाल र टिभिबाट प्रसारण भएपछि केरलामा त्रास फैलिएको जनाइएको छ ।
