जेष्ठ नागरिकलाई घरघरै पुगेर उपचार !, यस्तो छ छथरजोरपाटी गाउँपालिका धनकुटाको प्रशंसनीय काम (भिडियो सहित)
धनकुटा खबर । धनकुटाको छथरजोरपाटि गाउँपालिकाले ८० बर्ष भन्दा पाको उमेरका जेष्ठ नागरिकको घरघरै पुगेर उपचार गर्न थालेको छ ।
बिरामि र बुढ्यौलीका कारण नियमित स्वास्थ्य जाँच र उपचारका लागि स्वास्थ्य केन्द्र र अस्पताल सम्म जान नसक्ने जेष्ठ नागरिकको सुविधाका लागि घरमै पुगेर स्वास्थ्य सम्बन्धी परामर्श, औषधी सेवनको तरिका र निशुल्क औषधी वितरण गर्न थालिएको हो ।
छथर जोरपाटि गाउँपालिका क्षेत्रका तेलिया, तांखुवा, परेवादिन र हाक्तिखर्क लगायतका स्थानमा जनप्रतिनिधि, महिला स्वास्थ्य स्वयमसेविका र स्वास्थ्यकर्मिको समुह जेष्ठ नागरिकको उपचारका लागि खटिएको छ ।
१५ दिन यता जाँच गरिएका करिब तीनसय ५० जेष्ठ नागरिक मध्ये अधिकाशंमा हाडजोर्नी, मधुमेह, उच्च रक्तचाप र आँखाको समस्या पाइएको छथरजोरपाटी गाउँपालिका स्वास्थ्य शाखा प्रमुख सुन्दरमान डंगोलले बताउनुभयो ।
८० बर्ष उमेर कटेका जेष्ठहरुको हरेक चार महिनामा पुनपरिक्षण गरि औषधि वितरण गरिने गाउँपालिकाका अध्यक्ष शेरबहादुर लिम्बुले जानकारी दिनुभयो ।
बृद्धबृद्धाको स्वास्थ्य जाँच र औषधि वितरणका लागि गाउँपालिकाले चालु आर्थिक बर्षमा ६ लाख रुपैयाँ बजेट विनियोजन गरेको छ ।
