तम्मोर नदीमा हा’मफालेर एक व्यक्ति वेप’त्ता !
धनकुटा खबर, श्रावण १४ । धनकुटाको मुलघाट स्थित तम्मोर नदीमा हामफालेर आज एक व्यक्ति वेपत्ता भएकाछन् ।
वेपत्ता हुनेमा धरान उपमहानगरपालिका वडा नं ८ का ५८ वर्षका राजकुमार श्रेष्ठ रहेकाछन् । जिल्ला प्रहरी कार्यलय धनकुटाका प्रमुख सुदर्शन कोईरालाका अनुसार विहान ११ वजेतिर मुलघाट आएका उनी नजीकै भेटिएका मानिस सँग पनि वोलेर नमस्कार समेत गरी केहीवेर किनारमा वसेर नदीमा हामफालेका हुन् ।
उनको अहिले नेपाल प्रहरी र श सस्त्र प्रहरीको टोलिले खोजी कार्य जारी राखेको छ । श्रेष्ठ यसअघिपनि नदीमा हामफल्छु भन्दै तम्मरमा आएको र परिवारले सम्झाएर लगेको वुझिएको प्रहरी प्रमुख कोईरालाले जानकारी दिनुभयो ।
आजपनि उनी त्यसरी नै हिडेपछि परिवारले धरान प्रहरीमा जानकारी गराएको तर खोजीका लागि आउदा आउदै श्रेष्ठ नदीमा हामफलेर वेपत्ता भएको प्रहरीको भनाई छ ।
