वर्षे मकै खडेरीले, हिउदे किराले स’खाप पारेपछि धनकुटाका किसानलाई चि’न्तै-चि’न्ता
धनकुटा खबर । हिउदे मकै खेती किराले खाएर स खाप पारेपछि धनकुटाका किसानहरु चिन्तित भएकाछन् । वर्षे मकै खडेरीले सुकेर नफलेपछि हिउद याममा फल्ने मकै छरेका उनिहरु यो यामको मकैपनि किराले खाएर सखाप पारेपछि थप चिन्तित भएकाहुन् ।
मकैको दुई वाली नै राम्रो उत्पादन नभएपछि यो वर्ष अनिकालको समस्या भोग्नु पर्ने चिन्ता लागेको धनकुटा ७ का स्थानिय तथा ७ नं वडा सदस्य चन्द्र कुमारी आठपहरिया राईले वताउनुभयो ।
करिव १० रोपनी जग्गामा उहाँले लगाउनुभएको हिउदे मकैवाली किराले खाएर सखाप पारेको छ । मकैमा किराको प्रकोप देखिएपछि कृषी सँग सम्वन्धित कार्यलयमा कुरा राख्दा अमेरिकन फौजी किराको प्रकोप भएको भनिएको र त्यसको नियन्त्रणका लागि कृषी विज्ञहरुको सल्लाह, सुझाव अनुसार ९ सयको औषधि लगेर लगाउदा पनि किराको प्रकोप नियन्त्रण नभएको उहाँको भनाई छ ।
राईको मात्र नभई त्यस वडा र टोल कै किसानले लगाएको हिउदे कमैवाली किराले खाएर नोक्सान पुर्याएको उहाँले वताउनुभयो । जिल्लाका अन्य स्थानका किसानले पनि यो किराको प्रकोपको कारण आफुहरुलाई समस्या भएको गुनासो गरेकाछन् ।
