करिब ४१ अर्ब रुपैयाँ वैदेशिक ऋ’ण स्वी’कार गर्ने सरकारको नि’र्णय
काठमाडौँ । सरकारले एकै दिन करिब ४१ अर्ब रुपैयाँ वैदेशिक ऋण स्वीकार गर्ने निर्णय गरेको छ । यसबाहेक १२ अर्ब ५२ करोड सहुलियतपूर्ण ऋण प्राप्त गर्न वार्ता टोली गठन गरिने भएको छ । गत सोमबार बसेको मन्त्रिपरिषद्को बैठकले ५ क्षेत्रका लागि ४० अर्ब ८७ करोड रुपैयाँ ऋण लिने निर्णय गरेको हो ।
सञ्चार तथा सूचना प्रविधि मन्त्रालयले बिहीबार मन्त्रिपरिषद्को निर्णय सार्वजनिक गर्दै ऋण स्वीकार गरेको जनाएको छ । सरकारले वाग्मती नदी तटीय क्षेत्र सुधार आयोजनाका लागि एसियाली विकास बैंक (एडीबी) बाट करिब ७ अर्ब १२ करोड रुपैयाँ ऋण अन्तर्गत स्वीकार गर्ने निर्णय गरेको छ ।
यस्तै एडीबीबाटै पृथ्वी राजमार्गको मुग्लिङ(पोखरा सडक सुधारका लागि सासेक राजमार्ग सुधार आयोजना अन्तर्गत २१ अर्ब ४५ करोड, ग्रामीण उद्यम वित्तीय आयोजनाका लागि ५ अर्ब ६५ करोड र खाद्य सुरक्षा तथा कृषि व्यापारीकरण कार्यक्रमका लागि ५ अर्ब ६५ करोड रुपैयाँ ऋण स्वीकार गर्ने भएको छ ।
