धनकुटामा ‘कागतीको स्तम्भ’मा तस्विर, सबैभन्दा धेरै लाईक पाउनेले पाए २५ हजार नगद पुरस्कार !
धनकुटा । पर्यटन प्रवर्धन र विकासका लागि असार २० बाट सुरू गरिएको ’ग्रीन कागते, क्लीन कागते’ कागती स्तम्भ तस्विर प्रतियोगिता २०७७ को नतिजा सार्बजनिक गरिएको छ ।
कागतीको स्तम्भमा फोटो खिचेर सामाजिक सन्जाल फेसबुकमा पोष्ट गरिएको तस्बीरहरुमा तस्बीरमा आएको लाइक संख्याको आधारमा विजयीहरुलाई छनौट गरिएको हो ।
जस अनुसार सर्वाधिक ७ हजार चार सय लाइक पाउंदै धनकुटा ७ सितलपाटीकी सजिना बस्नेत प्रथम भएकी छन् । त्यसैगरि ६ हजार ६ सय लाइक सहित धनकुटा ४ देब्रेबासकी अस्मिता श्रेष्ठ,४ हजार लाइक सहित पाख्रिबास ७ का हामी नेपाली समूह क्रमश: द्वितिय र तृतिय भएका छन् ।
बिजयी प्रतियोगीहरुलाई मेडलसहित क्रमश २५,००० , १५,००० र १०,००० नगद प्रदान गरिने प्रतियोगिताको आयोजक मध्येका हाल हंगकंगमा रहेका सुरेश याक्सोले धनकुटा खबरलाई जानकारी दिनु भयो ।
त्यसैगरि तस्बीरमा १ हजारदेखि माथिका लाईक पाउने समन श्रेष्ठ, लबिका राई , सोनिका डंगोल, दिपा राई, सोस्तिका राई, प्रकाश खत्रि, कोपिला राई, लक्ष्मी राई र रेजिन कार्कीलाई पनि मायाको चिनोसहित प्रमाणपत्र प्रदान गरिने आयोजकले जनाएको छ ।
