धनकुटा सहित दुई नीजि स्वास्थ्य संस्थाका चिकित्सक तथा स्वास्थ्य कर्मीहरुलाई सूरक्षित सामग्री वितरण
भाद्र २१, धनकुटा । धनकुटा उद्योग बाणिज्य संघले कोशी अञ्चल आयुर्वेद औषधालय धनकुटा सहित दुई नीजि स्वास्थ्य संस्थाका चिकित्सक तथा स्वास्थ्य कर्मीहरुलाई आज सूरक्षित समाग्री वितरण गरेको छ ।
कोरोना भाईरस कोभिड १९ को संक्रमणबाट सर्तकता अपनाउन संघले कोशी अञ्चल आयुर्वेद औषधालय धनकुटालाई एक सेट पिपिई,चार थान फ्रेस शिल, मास्क, जनभावना होमियोप्याथिक हस्पिटल धनकुटा र हलेशी डेण्डल हस्पिटल धनकुटालाई फेस शिल र मास्क लगायत सुरक्षित समाग्रीहरु संघले प्रदान गरेको हो ।
संघका अध्यक्ष विजय सन्तोषी राई, वरिष्ठ उपाध्यक्ष मन कुमारी तितुङ, कोषाध्यक्ष रुपेश श्रेष्ठ लगायतले कोशी अञ्चल आयुर्वेद औषाधलयका डा उमेश महतो, जनभावना होमियो प्याथिक हस्पिटल धनकुटाका डा खगेन्द्र कटुवाल,हलेसी डेण्टल हस्पिटलका सञ्चालक तथा स्वास्थ्यकर्मीहरुलाई सूरक्षित समाग्रहरु प्रदान गरेका थिए ।
जनभावना होमियोप्याथिक हस्पिटल धनकुटा र हलेसी डेण्टल हस्पिटलाई यस अघि पनि संघले पिपिई र सूरक्षित समाग्री प्रदान गरेको थियो । ती सामाग्रीहरु धनकुटा उद्योग बाणिज्य संघलाई उद्योग बाणिज्य महासंघ प्रदेश १ का उपाध्यक्ष राजेन्द्र राउत र उद्योग संगठन मोरङ विराटनगरका अध्यक्ष भिम घिमिरे र मोरङ व्यापार संघ विराटगरले उपलब्ध गराएका थिए ।
