काठमाण्डौमा सूरक्षा शतर्कता
काठमाडौं ।काठमाण्डौमा सूरक्षा शतर्कता बढाइएको छ । सत्तारुढ दल नेपाल कम्युनिष्ट पार्टी नेकपा राजनीति पार्टी फुटको दिशातिर गएपछि काठमाण्डौमा सूरक्षा शर्तकता वढाईएको हो ।
काठमाडौँका माइतीघर मण्डला, नयाँ बानेश्वर, तीनकुने,रत्नपार्क परिसर क्षेत्र, सुन्धारा, त्रिपुरेश्वर,प्रदर्शनीमार्ग, लैनचौर लगायतका मुख्य चोकहरुमा सूरक्षाकर्मीको बाक्लो उपस्थिति छ । ती स्थनमा नेपाल प्रहरी र सशस्त्र प्रहरीको डफ्फा तैनाथ गरिएको छ । बर्दी सहितको प्रहरी लगायत सादा पोशाकका प्रहरी पनि खटाइएको छ ।
नेकपा भित्रको दुई समूहको समानान्तर बैठक बोलाइएको स्थानहरुमा समेत बाक्लो संख्यामा प्रहरीको उपस्थिती छ । संसद विघटनको विरोधमा भूमिगत राजनीति गरिरहेको नेपाल कम्युनिष्ट पार्टी माओवादीको विप्लव समूहले समेत विरोध गरेपछि सरकारले सूरक्षा व्यवस्था कडा वनाएको खुलेको छ ।
