उद्योग बाणिज्य संघ धनकुटाको “सावधान तपाईको माक्स खोई”? अभियान
वैशाख २५,धनकुटा । धनकुटा उद्योग बाणिज्य संघले धनकुटामा सावधान तपाईको मास्क खोई रु अभियान संचालन गरेको छ ।
जिल्लामा खोरना भाईरस संक्रमण दिनप्रतिदिन तिव्ररुपमा फैलिएपछि संले अभियान नै सञ्चालन गरी सवैलाई अनिवार्य माक्स लगाई दिने गरेको छ ।
संघले धनकुटामा अत्यावाश्यक,दैनिक उपभोग्य समाग्रीहरु तोकिएको सयम विहान र साँझ खरिद गर्न आउने उपभोक्ता र अत्यावाश्यक कामका लागि धनकुटा आउने सर्वसाधारणहरुलाई सावधान तपाईको मास्क खोई अभियान अन्र्तगत अनिवार्य मास्क लगाउन आग्रह गर्दै मास्क वितरण गरेको संघका अध्यक्ष विजय सन्तोषी राईले जानकारी दिनुभयो ।
संघले आजपनि धनकुटाका केही क्षेत्रमा अभियान सञ्चालन गरेको छ । कोरोना भाईरसको संक्रमणबाट बच्नका लागि संघको धनकुटा जिल्ला भरी रहेका पदाधिकारी तथा सदस्यहरुलाई आफ्नो बजार क्षेत्र र चौकहरुमा सावधान तपाईको मास्क खोई अभियान सञ्चालन गरी सवैलाई माक्स अनिवार्य लगाउन आग्रह गर्दै माक्स वितरण गर्न समेत संघका अध्यक्ष राईले आग्रह गर्नु भएको छ ।
