धनकुटा उद्योग वाणिज्य संघको मास्क खोई अभियान जारी
धनकुटा,जेठ ३ । कोरोना संक्रमण नियन्त्रणमा सघाउ पुर्याउने लक्षका साथ धनकुटा उद्योग वाणिज्य संघले मास्क खोई अभियानलाई जारी राखेको छ ।
जिल्लामा कोरोना भाईरसको संक्रमण दर तिव्र रुपमा वढ्दै गएपछि यसको नियन्त्रणका लागि एक हप्ता अघिदेखी संघले सञ्चालन गरेको यो अभियान अन्र्तगत आज सम्म धनकुटामा चार हजार मास्क वितरण गरिसकिएको धनकुटा उद्योग वाणिज्य संघका अध्यक्ष विजय सन्तोषी राईले जानकरी दिनुभयो ।
सोही अभियान अन्र्तगत आज धनकुटाको चुवाको वोट,शहिद भीमनारायण चौक हुँदै धरहरा शान्ति चौक सम्म मास्क वितरण गरेको उहाँले वताउनुभयो । जसअनुसार संघका अध्यक्ष राई सहित कोषाध्यक्ष रुपेश श्रेष्ठ,कार्यालय प्रमुख सचिन प्रधान,नेपाल पत्रकार महासंघ धनकुटाका सचिव हरी वहादुर लम्जेल लगायत धनकुटा उद्योग बाणिज्य संघका सदस्यहरुले कोरोना भाईरसबाट बच्नका लागि विभिन्न सन्देश मूलक व्यानरहरु चौक चौकमा राख्दै मास्क समेत वितरण गरेका थिए ।
जिल्लामा समुदाय स्तरमा संक्रमण दर तिव्र रुपमा फैलदै गएपछि धनकुटाबासीहरु भयभित र त्रसित भएका छन । आज मात्र धनकुटामाका ६१ जनालाई कोरोना संक्रमण पुष्टि भएको छ ।
