मनोनित सदस्यहरुलाई नेकपा एमाले धनकुटाद्वारा स्वागत तथा वधाई ज्ञापन
धनकुटा,जेठ १५ । प्रदेश सामाजिक विकास मन्त्रालय व्यवस्थापन अन्र्तगत धनकुटा अस्पताल विकास समिति र कोशी अञ्चल आयुर्वेद विकास समिति धनकुटामा मनोनित भएका सदस्यहरुलाई आज नेकपा एमाले धनकुटाले स्वागत गर्दै वधाई ज्ञापन गरेको छ ।
मनोनित सदस्यहरुलाई पार्टीका जिल्ला अध्यक्ष राजेन्द्र कुमार राईले खदा र अविर लगाई स्वागत गरी वधाई दिदै कोरोना महामारीको समयमा विरामीहरुलाई उपचार एवम् एम्वुलेन्सको सहज व्यवस्थापन गर्न आग्रह गर्नुभयो ।
कोरोना नियन्त्रणका साथै अस्पतालमा कस्ता कस्ता आवश्यक सामाग्रीहरुको अभाव छ त्यो पहिचान गरी व्यवस्थापन तर्फ लाग्न समेत आग्रह गर्नुभयो ।
अस्पताल विकास समितिमा लिलानाथ मिश्र,सत्यनारायण यादव,गोविन्द निरौला,कुसुम कुमारी राना,सिता थापा छन् भने कोशी अञ्चल आयुर्वेद विकास समिति धनकुटामा भिमा खनाल,तेजेन्द्र पराजुली,निर्मला राई,सन्त कुमारी राई र कमल राई रहेका छन् ।
कार्यक्रममा अस्पताल विकास समिति र कोशी अञ्चल आयुर्वेद विकास समितिको उद्देश्य जिल्ला समन्वय समितिका संयोजक टंक चौहानले प्रकाश पार्नुभएको थियो । कार्यक्रममा नेकपा एमाले धनकुटाका सचिव भिम राई,तारा तितुङ लगायतको उपस्थिती थियो ।
