धनकुटा १ हिले विश्वकर्मा टोलका कोरोनाका ३२ जनामा संक्रमण पुष्टि
धनकुटा । नयाँ भेरियन्ट सहितको दोश्रो चरणको कोरोना संक्रमण फैलिए यता अहिले सम्म धनकुटा १ हिले विश्वकर्मा टोलका कोरोनाका ३२ जनामा संक्रमण पुष्टि भएको छ ।
उनिहरु सवै अहिले होम आईसोलेसनमा बसेका छन् । होम आईशोलेसनमा वसेका संक्रमितलाई भेटेर आज धनकुटा नगरपालिकाका मेयर चिन्तन तामाङ सहित यहाँका जनप्रतिनीधिहरूको टोलिले उनिहरुको स्वास्थ्य अवस्थाको वारेमा वुझेको छ ।
सोही क्रममा उनिहरुलाई सेनिटाईजर, माक्स, हर्लिकस,डावर च्यवनप्रास वितरण गरिएको टोलिले जनाएको छ । टोलिमा मेयर तामाङ सहित वडा सदस्य तथा कार्यपालिका सदस्य कल्पना थापा , फुलमाया विक, टोल विकास समितिका अध्यक्ष मान वहादुर विक लगायतको सहभागिता थियो ।
संक्रमितहरुको स्वास्थ्य अवस्था अहिले सामान्य रहेको पाईएको टोलिले जनाएको छ । वडा र नगर सधै जनताको साथमा रहेकोले नआत्तिई सूरक्षित रहन टोलिले उनिहरुलाइृ आग्रह समेत गरेको छ ।
